Aldur? Hvað er það?

Já, þegar afkvæmi manns fara að tjá sig um það að maður sé orðinn gamall. Huhhhh, kemur ekki til mála. Ég hef þá stefnu að vera ekkert eldri en ég vil vera, alveg sama hvað hver segir. Svo vill nú þetta unga fólk hafa sína hentisemi með aldur, hver þekkir það ekki sem á afkvæmi að þegar þeim hentar þá eru þau svo fullorðin og geta svo mikið, en þegar kemur kannski að hlutum sem fela í sér ábyrgð, já, þá kveður við annan tón. Gagnvart mínum unglingum þá hef ég þá stefnu að ég ber ábyrgð á þeim en þau ekki á mér. En eitthvað vill þetta flækjast stundum fyrir þeim greyjunum, halda stundum að þau séu foreldrið og ég afkvæmið. Hvað um það, sá lærir sem lifir.

Athugasemdir

[Laufey (IP-tala skráð) 3.7.2007 kl. 15:06]

Jájá mamma mín.. þú heldur stundum að það þurfi ekki að hugsa "um þig"... þegar þú ert farin að "gleyma" hvað krakkarnir þínir eru gamlir er þá ekki í lagi að klappa  þér á bakið og leiðrétta þig, alveg eins og þú gerir við okkur  nei ég bara svona spyr..